русский | татарча |

Татарстан Җөмһүрияте Мөселманнарының
  Диния Нәзарәте

Яңалыклар тасмасы

РАМАЗАН АЕ МӨБӘРАК БУЛСЫН!

31.10.2002

Әгузү билләһи минәш-шәйтанир-раҗим. Бисмилләһир-рахмәнир-рахим.

         Барлык тормышны, һәрнәрсәне юктан бар кылган Аллаһы Тәгаләгә мактау-данлауларыбыз, бәндәләрнең иң сөеклесе Пәйгамбәребез Мөхәммәд Мостафа салләллаһү галәйһи вә сәлләмгә хәер-догаларыбыз булса иде.
 
        Газиз мөселман кардәшләр, милләттәшләр, ватандашлар!
 
       Татарстан Диния Нәзарәтенә бәйле булган меңгә якын мәхәллә исеменнән Изге Рамазан ае белән барчагызны чын күңелемнән котлыйм.
 
       Әлхәмдү лилләһи раббил-галәмин, ел буе зарыгып көтеп алган мөкатдәс аебыз, ураза тотар көннәребез дә килеп җитте. Иртәнге фазыйләтле сәгатьләрдә сәхәр ашар, мул табыннарда ифтар кылыр, мәчетләрдә рәт-рәт тезелеп тәравих намазларын укыр, бер-беребезгә мәрхәмәтле булыр вакыт килде. Үзен мөэмин санаучы һәр кеше Рамазан аен шатланып, шөкер итеп каршылый бит.
 
       Елдан-ел ураза тотучылар саны арта бара. Аллаһы Тәгаләгә кабуллардан кылсын иде. Шушы айда тиешле догаларыбызны, бурычларыбызны, изгелекләребезне эшләргә дә Җәнәбел Хак ярдәмче булсын.
 
       Аллаһ Сүбхәнәһү вә Тәгалә телләребезне йомшаклык, күңелләребезне пакълек, имннарыызны ныклык илә баетсын. Йортларыбызга байлык-муллык, әти-әниләргә түземлелек, балаларга шәфкатьлелек, барчабызга сәламәтлек, сырхауларга хәерле шифаларын насыйп әйләсен.
 
       Мохтаҗлар безнең ярдәмнән мәхрүм калмасын. Тәүфыйксызлыкка йөргәннәргә дә хак юлны күрсәтсен. Аллаһы Тәгалә безгә көч-куәт, гайрәт бирсен дип сорап калабыз. Тынычлык өчен көрәшүче юлбашчыларыбызга сабырлык бирсен.
 
Сугыш афәтләреннән, бәла-казалардан, ачлык һәм балалар хәсрәтеннән Раббым Үзе сакласын. Җир йөзенә кан, яшь түгелмәсен, тир түгелсен. Хәләл икмәктән җезне аермасын. Ил-кәннәргә иминлек бирсен.
 
        Газиз ватаныбыз Татарстанга, Россия Федерациясенә, барча галәмгә муллык фә сәгадәт телим!
 
Олы ихтирам һәм изге догалар белән
Татарстан Җөмһүрияте Мөселманнары Диния Нәзарәте рәисе, мөфти Госман хәзрәт Исхакый.


Внимание!
При использовании материалов просьба указывать ссылку:
«ТҖ МДН»,
а при размещении в интернете – гиперссылку на наш сайт: tat.e-islam.ru

Все новости раздела





©Татарстан Җөмһүрияте Мөселманнарының
  Диния Нәзарәте, 2002
 
Сайт создан в компании
«Экспресс-Интернет», 2002.
Работает под управлением
Express-Web.